Aqtóbe oblysynyń Áıteke bı aýdanyna qarasty Sulýkól aýylyna jaqyn dalada bolǵan órtten eki adam qaza tapty dep habarlaıdy Qamshy.kz aqparat agenttigi oblystyq ishki ister departamentiniń baspasóz qyzmetiniń málimetine súıenip.

Departament aqparatyna qaraǵanda, órt 4 qyrkúıekte bolǵan. Órt sóndirý kezinde úsh adamdy órt shalyp, onyń biri - aýdannyń 41 jastaǵy turǵyny oqıǵa ornynda qaza tapqan. Onyń máıiti órt sóndirilgennen keıin tabylǵan.

Denesin túrli dárejede kúıik shalǵan eki er adam aýrýhanaǵa túsken. Olardyń biri - aýdannyń 39 jastaǵy turǵyny 5 qyrkúıekte kóz jumǵan.

Oblys ákimdiginiń habarlaýynsha, órt bolǵan jerde qaza tapqan 41 jastaǵy turǵyn - selolyq okrýg ákimi Batyrbek Birlepesov. Aýrýhanada kóz jumǵan 39 jastaǵy azamat - Sulýkól aýylyndaǵy mektep muǵalimi Joldybek Ábdisalamov.

Zardap shekken úshinshi adamnyń hali aýyr dep baǵalanyp otyr.

Qazir oqıǵa boıynsha saraptama taǵaıyndalyp, Qylmystyq kodekstiń 292-babynyń 2-bólimimen ("Órt qaýipsizdigi talaptaryn buzý") sotaldy tergeý bastalǵan.