Mánma bıligi elden qashqan rohındjalardy keri qaıtarmas úshin shekaraǵa mınalar ornatyp jatyr, dep jazady Qamshy.kz aqparat agenttigi. Bul týraly «Reıter» agenttigi jergilikti BAQ-tyń málimetine súıenip habarlady.
Zorlyq-zombylyqtan qashqan Mánma musylmandary Bangladeshke qaraı attanǵan bolatyn. Mánma bıligi qashqan musylmandardy keri qaıtarmas úshin shekara túbin mınalap jatqan kórinedi. Kúni keshe shekara aýmaǵynda eki jarylys bolyp, sonyń saldarynan eki balanyń zardap shekkeni anyqtaldy. Olar Bangladeshtiń aýrýhanasyna jetkizildi.
Eki aptanyń ishinde Mánma bıliginiń zorlyq-zombylyq áreketi nátıjesinde 123 myń adam elden qashyp, 400-den astam adam qaza tapty.
