Áskerge barýdan qashqan deni saý azamattar endi bir jylǵa deıin bas bostandyǵynan aıyrylyp, 2 mıllıon teńge aıyppul tóleýi múmkin. Bul týraly búgin kúzgi shaqyrýǵa qatysty baspasóz máslıhatynda Qarýly kúshter bas shtaby tárbıe jáne ıdeologıalyq jumystar departamentiniń basshysy Múslim Daıyrov málimdedi dep jazady Qamshy.kz aqparat agenttigi.

Qazaqstan armıasynyń qataryna jańadan 16 myń sarbaz qosylady. Ekinshi qyrkúıekten bastap elimizde 18 ben 27 jas aralyǵyndaǵy azamattardy ásker qataryna shaqyrý bastaldy. «Qazir azamattyq boryshyn óteýge yntaly jastar kóp», – deıdi mamandar.

Jalpy merzimdi ásker qataryna 120 myń er azamat shaqyrtý alady. Sonyń 80 paıyzy áskerge jaramdy jandar. Tek 10 paıyzy ǵana densaýlyǵyna baılanysty áskerge jaramsyz. Al qalǵan on paıyzy ýaqytsha em qabyldap júrgender dep sanalady.