Májilis Tóraǵasy Nurlan Nyǵmatýlın búgin Polsha Prezıdenti Andjeı Dýdamen kezdesti, dep habarlaıdy Qamshy.kz aqparat agenttigi parlament májilisiniń baspasóz qyzmetine silteme jasap.

Mártebeli meıman bizdiń elimizge Elbasynyń arnaıy shaqyrýymen keldi. Májilis Spıkeri atap ótkendeı, Polsha Prezıdentiniń bul jolǵy sapary ózara yntymaqtastyqty tereńdetýge tyń serpin beretin bolady.

Polsha Qazaqstannyń Ortalyq jáne Shyǵys Eýropadaǵy mańyzdy saıası jáne ekonomıkalyq áriptesi bolyp tabylady. Bıyl eki el arasynda dıplomatıalyq qarym-qatynastyń ornaǵanyna 25 jyl toldy. Osy ýaqyttar aralyǵynda qos memleket arasynda syndarly baılanys ornap, ol jyl saıyn tereńdep keledi.

N. Nyǵmatýlın Qazaqstan Prezıdenti Nursultan Nazarbaevtyń ótken jylǵy Polsha eline resmı sapary memleketter arasyndaǵy saýda-ekonomıkalyq baılanysty nyǵaıtýǵa yqpal etkenin alǵa tarta kelip, ekonomıkalyq yntymaqtastyq týraly qabyldanǵan prezıdentter Deklarasıasynyń nátıjesinde 845 mln. AQSH dollaryn quraıtyn 15 ınvestısıalyq jobaǵa qol qoıylǵanyn atap ótti.

Taraptar barlyq salada yqpaldastyqty kúsheıtý joldaryn áńgimeleı kelip, ásirese, qos memlekettiń tranzıttik múmkindigine aıryqsha nazar aýdardy. Kezdesý barysynda EKSPO halyqaralyq kórmesiniń mańyzyna da erekshe kóńil bólindi.

Al parlamentaralyq yntymaqtastyq jaıyna kelgende N. Nyǵmatýlın qazaqstandyq Parlament ókilderi eki memleket prezıdentteri arasynda qol jetkizilgen barlyq kelisimderdi zańdyq turǵydan qoldaýǵa daıyn ekendigin jetkizdi.