Saýd Arabıasynyń syrtqy ister mınıstri Adel ál-Djýbeır 5 qyrkúıekte Irannyń ótken aptada qajylyq aıaqtalǵan soń eki el arasyndaǵy qarym-qatynasıy jaqsartý týraly usynysyn qabyldaǵan joq, dep jazady Qamshy.kz aqparat agenttigi.

«Eger Iran Saýd Arabıasymen qarym-qatynasyn jaqsartqysy kelse, óziniń saıasatyn ózgertsin. Ol halyqaralyq quqyqty qurmetteýi tıis», – dedi ál-Djeıbýr Londonda ótken pres-konferensıada.

Irandyq sheneýnik, Tegerandaǵy qajylyqqa barý sharasyn uıymdastyrýshy qurylymnyń basshysy Álı Ǵazı-Askar qajylyqtyń sátti aıaqtalǵany úshin Saýd Arabıasyna alǵysyn bildirip, ózge de máseleler boıynsha kelissózderge jol ashýdy usynǵan. Ǵazı-Askardyń aıtýynsha, ekijaqty qarym-qatynastardy ózge de salalar aıasynda jaqsartýǵa múmkindik týdy.

Irandyq aqparat agenttiginiń málimetinshe, Iran syrtqy ister mınıstri Mohammad Djavada Zarıf qajylyq aıaqtalǵan soń eki el arasynda dıplomatıalyq is-saparlardyń bolatynyn aıqan.

Óz kezeginde Ál-Djýbeır Zarıftiń aıtqanyn «kúlkili» dep, Saýd Arabıasynyń Iranmen tyǵyz qarym-qatynas ornatýyna eshqandaı sebep kórip turmaǵanyn málim etti.