Sheteldiń úreıin ushyrǵan «Irma» daýyly Karıb teńizindegi Barbýda aralyna jetti. Munda shamamen bir jarym myńdaı adam turady. Uıytqı soqqan jeldiń ekpini saǵatyna 300 shaqyrymǵa deıin jetken. Bul týraly Qamshy.kz aqparat agenttigi sheteldik BAQ málimetine súıenip habarlaıdy.
Sınoptıkter boljamynsha, alapat daýyl Pýerto-Rıko, Domınıkan Respýblıkasy, Gaıtı jáne Kýba memleketteriniń ústimen ótedi. Osyǵan baılanysty AQSH prezıdenti Donald Tramp Florıda shtatynda jáne Pýerto-Rıko men Vırgın araldaryna daýyldyń jaqyndaýyna baılanysty tótenshe jaǵdaı jarıalady.
Dúleı jel eń joǵarǵy kórsetkishten, ıaǵnı bes baldan da asyp túsken. Mamandardyń aıtýynsha, ol Atlantıkadaǵy sońǵy onjyldyqta soqqan eń surapyl daýyl bolmaq. Tipti Tehasty tas-talqan qylǵan «Harvıdan» da qarqyny qatty desedi.
