Bilim jáne ǵylym mınıstriniń buıryǵymen búdjet esebinen qarjylandyrylatyn memlekettik bilim mekemeleri qyzmetkerleriniń jalaqy alý tártibine ózgerister engizildi.
Bul týraly Qamshy.kz aqparat agenttigi Sputnik Qazaqstan málimetine súıenip habarlaıdy.
Oǵan sáıkes sabaqty aǵylshyn tilinde túsindire alýǵa qabiletti muǵalimderdiń bazalyq mindetti jalaqysyna ústeme aqsha tólenedi.
“APTIS, IELTS, TOEFL, V1-Intermediate, B2-Upper-Intermediate nemese C1-C2-Advanced deńgeıleriniń biri boıynsha sertıfıkatqa ıe, fızıka, hımıa, bıologıa, ınformatıka pánderin aǵylshyn tilinde túsindire, oqyta alýǵa qabiletti muǵalimderge mindetti jalaqysynan bólek 200 paıyz mólsherde qosymsha aqy tólenedi”, – delingen buıryqta.
Bul buıryq 2017 jyldyń 1 qyrkúıeginen bastap kúshine engen. Sebebi bıylǵy oqý maýsymynan bastap birqatar pánderdi aǵylshyn tilinde oqytý boıynsha synaqtyq júıe bastalyp ketti. Synaq nátıjesi boıynsha pánderdi aǵylshyn tilinde oqytýdyń naqty kestesi bekitiledi.
Aıta ketsek, elimizdegi oqý ordalarynyń 2019 jyly aǵylshyn tilinde sabaq júrgizýge daıyndyǵy jaıynda habarlanǵan bolatyn.
