Almaty oblysyndaǵy Uıǵyr aýdanynyń ákimi Alımjan Tohtasýnov jumystan ketti. Búgin onyń ornyna jańa ákim bolyp Shýhrat Nýrahýnov taǵaıyndaldy. Ol buǵan deıin Uıǵyr aýdany ákiminiń orynbasary qyzmetin atqarǵan, dep habarlaıdy Qamshy.kz aqparat agenttigi  QazAqparat málimetine súıenip. 

Aýdan aktıviniń kezdesýinde Almaty oblysy ákimi mindetin atqarýshy Lazzat Turlashov aýdanǵa jańa ákim Shýhrat Nýrahýnovty tanystyrdy. Jıyn barysynda atalǵandaı, onyń kandıdatýrasy jaqynda ótken aýdandyq máslıhattyń kezekten tys sesıasynda kópshilik depýtattyń qoldaýyna ıe bolǵan. Oblys ákimi mindetin atqarýshy Lazzat Turlashov aýdan aktıvine jańa ákimdi tanystyra kele, buǵan deıin aýdan ákimi qyzmetin atqarǵan Alımjan Tohtasýnovqa atqarǵan jumysy úshin alǵysyn bildirdi.

Óz kezeginde Shýhrat Nýrhanov kandıdatýrasyn qoldap, senim bildirgenderge alǵysyn jetkizip, aldaǵy ýaqytta ózine artylǵan barlyq mindetterdi abyroımen atqaratyndyǵyn atap ótti.

Al Almaty oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz hatshysy Symbat Israpýlovanyń aıtýynsha, Tohtasýnovtyń ádebi jónindegi másele ádep keńesiniń qaraýyna jetpeı, onyń óz erkimen jumystan ketý týraly aryzy qanaǵattandyrylǵan. 

Aıta ketsek, Alımjan Tohtasýnov  birneshe márte qolastyndaǵy qyzmetkerlerdi «jumystan qýamyn» dep, aýzyna kelgenin aıtqany jaıynda jazylǵan bolatyn.