Brıtandyq pranker Saımon Brodkın Brıtanıa premer-mınıstri Tereza Meı minberde sóılep turǵan jerinde qolyna jumystan shyǵarý týraly P45 qujatyn tapsyrdy dep habarlaıdy Qamshy.kz aqparat agenttigi Telegraph-qa silteme jasap.

Premer-mınıstr Ulybrıtanıanyń konservatıvti partıa sezinde sóz sóılegen. Sol ýaqytta pranker jumystan shyǵarý kezinde toltyrylatyn P45 úlgisin usynǵan.

«Borıs sizge myna qaǵazdy berýimdi ótindi» dedi Brodkın qaǵazdy ustatyp jatyp.

«P45 úlgisin tek bir ǵana adamǵa tabystaǵym keledi. Ol Djeremı Korbın» dep jaýap berdi Meı.

Brıtanıada ár qyzmetker jumystan shyǵarylǵanda P45 salyq formasyn alady. Onda qyzmetkerdiń kirisi men tólegen salyǵy kórsetiledi.

Jýrnalıs Pol Brend óziniń Twitter paraqshasynda brıtandyq premerge tabystaǵan úlgini jarıalady.

Telegraph-ta beıtanys adamnyń premer-mınıstrge osynshama jaqyn kelgenine otyrǵanǵandar narazylyǵyn bildirgenin jazady.

Keıinirek Brodkın Twitter-de brıtandyq SİM basyshyna arnalǵan jazba qaldyrǵan.

«Sálem, Borıs Djonson. Óziń suraǵandaı men Terezaǵa P45 úlgisin tabystadym» dep jazdy ol.