18 qazanda belgili telejúrgizýshi, qoǵam qaıratkeri Ksenıa Sobchak 2018 jyly Resıede ótetin prezıdent saılaýyna ózin úmitker retinde usynatynyn málimdegen. Ózin prezıdenttikke usynǵan shoý bıznes pen saıasatty qatar alyp júrgen áıeldiń qoǵamdyq jáne saıası máseleler jaıyndaǵy pikiri qandaı?
Vladımır Pýtın jaıynda
Men Pýtınge ómir boıy qaryzdarmyn. Sebebi onyń ákeme úlken kómegi tıgen». (2012 jyldyń shildesi, Maksım Shevchenkomen «Tikeleı efırde» baǵdarlamasy)
Qarjylyq daǵdarys
«Bári alańdap júr, biraq dúnıe tóńkerilip ketken joq qoı. Aqyryndap, adymmen qardaǵy Kýbaǵa aınalamyz. Men ádettegideı ózimniń A8 kóligimmen júretin bolamyn, «Jıgýlıdiń» qosalqy bólshekterimen jamap qoıamyn. Jumystaryna eski kólikpen, velosıpedpen baryp júrgenderdiń janynda men burynǵy qalpymda qalamyn». (2014 jyldyń 16 jeltoqsany, instagram)
Qyrym jaıly
«Boldy. Soǵys. Bul sheshim Vladımır Vladımırulynyń kishigirim soǵysyna aınalýy múmkin nemese onyń Aýǵanstany bolady. Pýtınniń maqsaty – «tarıhta qalý». Reseıge Qyrymdy qaıtarǵan prezıdent – kitaptaǵy mańyzdy bólim». (2014 jyldyń 2 naýryzy, Facebook)
Sheshenstan jaıly
«Sizder Sheshenstandy Reseıdiń konstıtýsıalyq-quqyqtyq alańyna kirgenin qalaısyzdar ma? Shyn mánisinde Reseı Sheshenstannyń konstıtýsıalyq-quqyqtyń alańyna kirdi. Qandaı aqyl-esi durys ınvestor Qadyrovtyń jeke gvardıasyndaǵy saqaldy, altyn tapanshasy bar bedeldi ári syıly adamdary bar memleketke aqsha aýdarady?» (2017 jyldyń 10 maýsymy, «Dojdá» saıty, Vladımır Pýtınge arnalǵan vıdeohabarlama)
Borıs Elsın jaıynda
«Borıs Elsınmen otbasym etene aralasqan. Ol óziniń saıası ustanymdary bárinen joǵary ustaıtyn adam». (2015 jyldyń 25 qarashasy, Elsın ortalyǵynyń ashylýy)
Alekseı Navalnyı jaıly
«Sen naǵyz ersiń, elimiz úshin baryńdy tárk ettiń, biraq jeke saıası ustanymdaryń úshin odaqtastaryńnyń keýdesinen ıterý – durys emes, munyń túbi óshpendilikke ıtermeleıdi...». (2017 jylydń 23 qyrkúıegi, Instagram)
Sanksıa jóninde
«Batys urlyqpen ustalǵan olıgarhtardy jazalap jatyr, al zardaby bizge tıýde». (2014 jyldyń 7 tamyzy, Tvıtter)
Saıasat kórinisi
«Men táýelsiz adammyn. Eshqandaı laýazymdy adammen baılanysym joq, bolmaıdy da. Osy úshin de ózimdi maqtan tutamyn. Elimizde bolyp jatqan saıası landshaftardy baqylap júrmin. Jáne bir ǵana dıagnozymbar – búgingi saıasattyryńyz – byljyraq. İsh pystyrarlyq, ári jıirkenishti!» (2017 jyldyń 1 qyrkúıegi, Instagram)
Bılik jaıly
«Bılik – eki oıynshynyń bir-birine laqtyryp oınaıtyn badmıntonnyń doby emes. (Budan buryn Pýtın men Medvedevtiń qatysýymen ótken badmıntonnyń paıdasy týraly vıdeo jarıalanǵan) Eń bastysy – bılik úshin kúresý emes, bılikke áser etý kerek. Búgingi opozısıa bılikpen kúresip keledi, al bılikten oryn buıyra qalsa, bári áp sátte ózgerip ketýi múmkin. Tek biz, azamattyq qoǵam, bılikke áser ete alamyz, ony ózgerte alamyz». ( 2011 jyldyń 24 jeltoqsany, Máskeýdegi Saharov dańǵylynda ótken mıntıng)
Sırıa jaıly
«Men Sırıa men Qyrymdy salystyrmaımyn. Halyqaralyq quqyqty saqtaýdyń qaǵıdasy. Muny AQSH-tan talap etetin bolsaq, saqtaýǵa mindettimiz». (2014 jylydń 1 naýryzy, Tvıtter)
Eldegi ekonomıkalyq ahýal
«Bizdi alda jarqyn bolashaq kútip tur dep oılaısyzdar ma? Olaı bolmaıdy! Valútanyń turaqsyzdyǵy, qubylmaly naryq, 98 jyldyń elesi, quldyraýǵa shaq memleket – bular orys sóziniń metaforasy ǵana». (2016 jyldyń qańtary, «Bremá novosteı» baǵdarlamasy)
