AQSH-ta (Lýızıana shtaty) aǵylshyn tilinen sabaq beretin muǵalim mekteptik keńeste oqytýshylar jalaqysyna shaǵymdanǵany úshin qamaýǵa alynǵan. Bul týraly Fox News -ke silteme berip Qamshy.kz aqparat agenttigi habarlaıdy.
Sheteldik basylymnyń málimetinshe, Deısha Hargreıv keńes múshelerine tártipke saı júginbegen, narazylyq tanytyp suraqtardy ruqsatsyz qoıǵan. Keńes zalynda kezekshilik etken ofıser bastapqydan oǵan eskertý jasap, keıin zaldan shyǵaryp qolyna kisen salyp alyp ketken.
Ofıserdiń mundaı áreketti basshylyqtyń buıryǵymen jasaǵany nemese óz bilgenimen istegeni belgisiz. Muǵalimdi túrmege qamaýǵa alǵan.
