Búgin Qazaqstannyń basym bóligi áli de sıklonnyń yqpalynda bolyp, respýblıkanyń basym bóliginde qar jaýady, tuman túsip, kóktaıǵaq bolady, jelmen birge burqasyn bolady, soltústik bóliginde qatty burqasyndatady, dep habarlaıdy Qamshy.kz aqparat agenttigi Qazgıdromet málimetine súıenip. 

Aqmola, Soltústik Qazaqstan, Pavlodar  oblystarynda 15-20 m/s jyldamdyqpen jel soǵady, ekpini 25, keı jerlerde 30 m/s-ten asady, keı jerlerde tuman túsip, kóktaıǵaq bolady, burqasyndatady, keı jerlerde qatty burqasyn bolady. 

Qaraǵandy oblysynda jel 15-20, ekpini 25 m/s, túnde keı jerlerde 30 m/s-ten asady dep boljanýda, burqasyndatady, túnde keı jerlerde qatty burqasyn bolady. 

Shyǵys Qazaqstan oblysynda jel 15-20, keı jerlerde 23-28 m/s, ekpini 30 m/s-ten asady, keı jerlerde tuman túsip, kóktaıǵaq, burqasyn bolady. 

Jambyl oblysynda jel 15-20, ekpini 23-28, ońtústik-batys bóliginde 30 m/s-ten asady dep boljanyp otyr, tuman, kóktaıǵaq, burqasyn bolady. 

Ońtústik Qazaqstan oblysynda  jel 15-20, túnde jáne tańerteń keı jerlerde ekpini 23-28 m/s-ke kúsheıedi, keı jerlerde tuman túsip, kóktaıǵaq bolady, kúndiz burqasyndatady. 

Almaty oblysynda túnde jáne tańerteń keı jerlerde tuman túsedi, jel 18-23, Jalańashkól aýdanynda 27 m/s-ke kúsheıedi.  

Qyzylorda oblysynyń keı jerlerinde tuman túsip, kóktaıǵaq bolady, jel 15-20, ekpini 23-28 m/s-ke  kúsheıedi. 

Mańǵystaý oblysynyń keı jerlerinde tuman túsip, kóktaıǵaq bolady, túnde keı jerlerde jel 15-20 m/s kúsheıedi. 

Aqtóbe, Qostanaı oblystarynyń keı jerlerinde burqasyndatyp, tuman túsedi, jel 15-20 m/s-ke kúsheıedi. 

Batys Qazaqstan oblysynyń keı jerlerinde tuman túsýi múmkin.