Batys tilshileri Phenchhanǵa kelgen soltústikkoreı qyzdary qalaı ómir súrip jatqandyǵy týraly málimet jınady, dep jazady Qamshy.kz aqparat agenttigi.  KHDR-dan kelgen qyzdar «kapıtalısik shyndyqtan» jan-jaqty shettetilýde. Qaı jerge barsa da, jendetterdiń nazarynan shyqpaı, tipti ájethanaǵa da qaraýsyz jiberilmeıdi.

Phenchhanda ótip jatqan Olımpıada oıyndaryna álemdegi eń jabyq elden 229 jankúıer qyz keldi. Olardyń júris-turysy qysqy oıyndardaǵy eń erekshe qubylys boldy. Máselen, olar qaı jerde de ústerine kıgen birdeı formasyn tastamaıdy. Olar oıyn ótip jatqan qalaǵa bir jarym saǵat qashyqtyqtaǵy jerde turyp jatyr. Tańǵy as pen tústikke jankúıer qyzdardy 30 etip toptap, alyp barady.  Olardyń qasynda árdaıym birneshe qaraýyl er adam júredi.

Olar qyzdardyń sheteldiktermen sóılespeýi úshin trıbýnada da qasynda júredi. Al jarys ýaqytynda ájethanaǵa barǵysy kelgender tek er adamdarmen ǵana bara alady.

Al jankúıerler otyrǵan trıbýnada qyzdar stadıonda eshteme bolyp jatqan joqtaı minez tanytady. Olar tipti úzilis kezinde de án sala bastaıdy. Amerıkalyq jýrnalıser 35 jastaǵy jankúıer, KHDR-dan kelgen bosqyn áıelmen sóılesýge múmkindik alǵan.

Onyń aıtýynsha, jankúıer qyzdardy erekshe partıalyq daıyndyqtan ótken sport mektebiniń túlekteri arasynan tańdap alady. Tańdalǵan qyzdarǵa eńbekaqy tólemeıdi jáne bolatyn jarystarǵa olardy birneshe aı daıyndaıdy. Onyń aldynda soltústikkoreıalyq sportshylar oıyn uıymdastyrýshylary bergen syılyqtardy eline alyp bara almaıdy.