Burynǵy oqýshysy 17 adamdy atyp óltirgen AQSH-tyń Florıda shtatyndaǵy "Mardjorı Stoýnmen Dýglas" mektebin jergilikti bılik kúrep tastaýǵa sheshim qabyldady. Bul týraly Qamshy.kz aqparat agenttigi QazAqparatqa silteme berip jazady
Agenttiktiń málimetinshe, úsh qabatty mektep ǵımaratyn súrip tastaý týraly áńgime mektep aktıvi jáne jergilikti bılik arasynda birneshe márte talqylanǵan. Florıda shtatynyń zań shyǵarý jınalysynyń senatory Bıll Galvano eski ǵımaratty kúrep tastap jańa mektep salýǵa jumsalatyn shyǵyndy 30 mln dollar kóleminde dep otyr.
"Mardjorı Stoýnmen Dýglas" mektebindegi qandy oqıǵa sársenbi kúni tústen keıin oryn alǵan. Atalmysh mekteptiń 19 jastaǵy burynǵy oqýshysy Nıkolas Krýz mektep oqýshylary men muǵalimderine oq jaýdyrǵan.Ol ishki tártipti buzǵany úshin osy mektepten qýylǵan bolatyn.
Nıkolas Krýzdyń kez kelgen ańshylar dúkeninde satylatyn jáne jergilikti polısıa qoldanatyn AR-15 jartylaı avtomattandyrylǵan vıntovkasymen qarýlanǵany belgili boldy. Jáne odan kóp mólsherde oq tabylǵan.
