Úndistanda úılený toıy kezinde gaz balony jarylyp, 18 adam qaza tapty. Jaraqat alǵan 20 shaqty turǵynnyń keıbiri aýyr halde aýrýhanada jatyr. Bul týraly 24.kz jazady.
Oqıǵa eldiń soltústik-batysyndaǵy Beavar qalasynda bolǵan. Toı ótip jatqan qonaq úıge jaqyn jerde gaz balony atylyp, ǵımarattyń bir bóligi opyrylyp qulaǵan.
Quzyrly organ ókiliniń málimdeýinshe, úıindi astynda taǵy adamdar bolýy múmkin. Oqıǵaǵa qatysty tergeý bastaldy. Radjastan shtatynyń bıligi qaza tapqandar men japa shekkenderdiń otbasyna qarjylaı kómek kórsetiletinin málimdedi.
Pikir qaldyrý