Qazaqstan Respýblıkasy Úkimetiniń Qaýlysymen Shaımergenov Tımýr Tólegenuly QR qorǵanys jáne aeroǵarysh ónerkásibi vıse-mınıstri bolyp taǵaıyndaldy, dep habarlaıdy Qamshy.kz aqparat agenttigi tilshisi QR premer-mınıstrdiń saıtyna silteme jasap. 

Tımýr Shaımergenov 1982 jyly Jambyl oblysynda dúnıege kelgen. 2004 jyly Almaty qalalyq Halyqaralyq mamandyqtar ınstıtýtyn támamdady, 2009 jyly QR Prezıdenti janyndaǵy Qazaqstan strategıalyq zertteýler ınstıtýtynda saıası ǵylymdar kandıdatynyń ǵylymı dárejesin alý úshin dısertasıa qorǵady.

2009-2017 jyldary Garvard, Oksford, Kembrıdj, Pensılvanıa, Kolýmbıa ýnıversıtetterinde jetekshi quramǵa arnalǵan oqý baǵdarlamasynan ótti. Halyqaralyq qatynastar jáne qaýipsizdik, strategıalyq menedjment jáne táýekelderdi basqarý salasynda maman biliktiligine ıe. Qazaq, orys, aǵylshyn tilderin meńgergen.

Eńbek jolyn 2004 jyly Ál-Farabı atyndaǵy Qazaq ulttyq ýnıversıtetinde bastaǵan, QR Prezıdenti janyndaǵy Qazaqstan strategıalyq zertteýler ınstıtýtynda, QR Parlamenti Májilisi jáne QR Qaýipsizdik Keńesi apparattarynda túrli qyzmetter atqarǵan. QR Syrtqy ister mınıstrligi janyndaǵy Qoǵamdyq keńestiń múshesi.

QR Qorǵanys jáne aeroǵarysh ónerkásibi mınıstrligine qyzmetke taǵaıyndalmas buryn QR Prezıdenti Ákimshiligi júıesinde jumys istegen.  

 "Qazaqstan halqy Assambleıasyna 25 jyl", "QR Konstıtýsıasyna 20 jyl", "QR Dıplomatıalyq qyzmetine 25 jyl", "QR Ulttyq qaýipsizdik komıtetine 25 jyl" medaldarymen marapattalǵan.