QR Parlamenti Senatynyń otyrysynda Darıǵa Nazarbaeva depýtattyq saýalyn ne sebepti orys tilinde joldaǵanyn túsindirdi, dep habarlaıdy Qamshy.kz aqparat agenttigi.

–Orys tiline eshkim shekteý qoıǵan joq. Prezıdenttiń tapsyrmasyn oryndaýǵa bárimiz de tyrysamyz. Al endi orys tiline eshkim áli shekteý qoıǵan joq, qoımaıtyn da shyǵar. Endi ózge turǵyndarymyzdy da syılaý kerekpiz. Ultaralyq kelisim men dostyqqa eshkim shekteý qoıǵan joq. Qazaqstan terıtorıasynda bar, memlekettik organdar jumys isteıtin tilder Konstıtýsıamen bekitilgen, – dedi Darıǵa Nazarbaeva.

Aıta keteıik, 26 aqpanda Memleket basshysy Nursultan Nazarbaev QR Aqparat jáne komýnıkasıa mınıstri Dáýren Abaevty qabyldaýy barysynda Úkimet pen Parlament tek memlekettik tilde qyzmet kórsetýi tıis ekenin eskertken.

Al kelesi kúni úkimet otyrysy qazaq tilinde ótti. Alaıda Dáýren Abaev sol kúni Elbasynyń «tek» degen sózdi aıtpaǵanyn, orys tiline eshkimniń shekteý qoımaǵanyn málimdegen.