Astanada QR Parlamentiniń birikken otyrysy bastaldy. Jıyndy ashqan memleket basshysy Nursultan Nazarbaev áleýmettik salada birqatar ózgeris bolatynyn málimdedi dep habarlaıdy Qamshy.kz aqparat agenttigi.

Elbasynyń sózinshe, salystyrmaly túrde jalaqysy tómen azamattar 2019 jyldan bastap on ese az salyq tóleıdi, ıaǵnı olardyń salyǵy 1 paıyz ǵana bolady. «Bastaý» baǵdarlamasy boıynsha beriletin nesıeniń kólemi eki esege kóbeıedi. Mıkrokredıtteý kólemi 2017 jylmen salystyrǵanda eki esege artady. Qazaqstandaǵy 2 mln 700 turǵynǵa gaz qubyry tartylady. Astanany kógildir otynmen qamtamasyz etý arqyly aýaǵa taralatyn zıandy qaldyqtar 6 esege azaımaq. Prezıdent Úkimetke osy gaz máselesin aldaǵy 1-1,5 jyldyń ishinde sheshýdi tapsyrdy. Sonymen qatar bilim berý salasynda da ońtaıly ózgerister bolmaq. Elbasynyń aıtýynsha, jyl saıyn beriletin 54 myń bilim grantyna qosymsha 20 myń grant qosylady. Stýdentterge arnalǵan 20 myń jataqhana salynbaq.