BUU Qaýipsizdik keńesi Reseıdiń Sırıaǵa soqqy jasaýǵa qarsy bolyp, ony toqtatýǵa shaqyrǵan qararyn qabyldamady, dep habarlady Qamshy.kz aqparat agenttigi RIA Novostı saıtyna silteme jasap.

Eske salsaq, AQSH, Fransıa jáne Ulybrıtanıa Sırıaǵa soqqy jasaǵannan keıin Reseı senbide BUU qaýipsizdik keńesiniń shuǵyl otyrysyn shaqyrdy. 

Máskeý «AQSH pen onyń odaqtastarynyń Sırıaǵa qatysty agresıasyn» aıyptaıtyn qarardyń jobasyn taratty. Reseı qararynyń jobasynda «AQSH pen onyń odaqtastarynan Sırıaǵa qatysty agresıany dereý toqtatýdy, BUU jarǵysy men halyqaralyq quqyqty buzatyndyqtan odan ári kúsh qoldanýdy toqtatýdy» talap etedi.     

Qaýipsizdik keńesi otyrysy barysynda qujatqa daýys berildi. Reseı, Qytaı jáne Bolıvıa jaqtap daýys berdi. Al segiz el, onyń ishinde  AQSH, Fransıa men Ulybrıtanıa qarsy shyqty. Tórt el, onyń ishinde Qazaqstan daýys berý kezinde qalys qaldy.  

Eske salsaq, AQSH, Brıtanıa men Fransıa 14 sáýirde tańerteń Sırıanyń úkimettik nysandaryna zymyran soqqylaryn jasady, olardyń pikirinshe bul nysandarda hımıalyq qarý jasalyp jatyr. Olar Sırıaǵa 100-den asa zymyran ushyrdy, onyń kóbisin sırıalyq áýe shabýylyna qarsy qorǵanys áskerleri atyp qulatqan. Reseılik kúshter aralasqan joq, alaıda barlyǵyn qadaǵalap otyrdy.   

Reseı prezıdenti Vladımır Pýtın zymyran soqqylaryn egemen elge qarsy agresıa dep atady.