Qazaqstanǵa kelgen mıgranttardyń sany 620 myńǵa jetti. Bul týraly QR ishki ister mınıstri Qalmuhanbet Qasymov búgingi Úkimet saǵatynda málimdedi, dep jazady Qamshy.kz aqparat agenttigi
"Resmı statısıka boıynsha, sońǵy úsh jylda bizdiń elimizge 5 mıllıon 600 myńnan astam sheteldik azamattar kelgen. Olardyń 90 paıyzdan astamy TMD elderiniń azamattary. Negizinen, Ózbekstannan, Qyrǵyzstannan jáne Reseıden kelgen. Sondaı-aq, alys elderden kelgen mıgranttardyń qatary kóbeıýde. Osy ýaqytqa deıin olardyń sany 620 myńǵa deıin jetti. Olardyń kóbi qytaı jáne túrik azamattary", - dep atap ótti QR İshki İster mınıstri.
Mınıstrdiń aıtýynsha, basty mindet zańsyz kóshi-qonǵa toqtaý salý, sebebi ol qoǵamdyq tártip úshin qaýipti faktor bolyp tabylady.
"Mıgrasıa aǵymy esirtki, adam saýdasy jáne ekstremızm men terorızmge baılanysty bolǵan jaǵdaılar az emes. Bul salada baqylaý men retteýdi tıimdi uıymdastyrmasaq, elimizdiń áleýmettik-ekonomıkalyq damýyna zıan keltiredi. Kóshi-qon baqylaýyn jetildirý joldaryn Úkimet saǵaty sheńberinde talqylaý İshki ister mınıstrligine, sonymen birge, basqa da múddeli ortalyq jáne jergilikti atqarýshy organdardyń jumystaryn túzetýge múmkindik beretini sózsiz", – dedi QR ishki ister mınıstri Májilistiń úkimet saǵatynda.
