Torontoda aýyr júk kóligi bir top adamdy qaǵyp ketti. Sonyń nátıjesinde 10 adam kóz jumdy, 15 adam túrli dárejedegi jaraqat aldy, dep habarlaıdy Qamshy.kz aqparat agenttigi.

Qylmys jasaǵan adam ustaldy. Ol 25 jastaǵy Alek Mınasán. Qazir polıseıler odan túsinikteme alyp jatyr. Alek Mınasán oqıǵa ornynan qashýǵa talpynǵan, biraq polıseıler ony ustap úlgerdi.

Polısıa basshysy Mark Sanders er adamnyń áreketi qasaqana jasalǵanyna senimdi.

Qazir tekserý jumystary júrgizilip jatyr. Kanadanyń premer-mınıstri óziniń tvıtter paraqshasynda qaıtys bolǵandardyń jaqyndaryna kóńil aıtty.

«Kanada Torontodaǵy jaǵdaıda kóz jumǵandardyń týystary men dostarymen birge. Jaraqat alǵandarǵa tezirek saýyǵyp ketýin tileımiz» dep jazdy Djastın Trúdo.