Túrkıa prezıdenti Taıyp Erdoǵan BUU-ny álemdik problemalardy sheshe almaıdy dep aıyptady. Mundaı málimdemeni prezıdent on shaqty palestınalyqtyń Gaz sektorynda kóz jumyp, sol aımaqta ornaǵan qaqtyǵys kezindegi BUU áreketsizdigine qatysty jasaǵan dep habarlaıdy RIA Novostı.

Erdoǵannyń aıtýynsha, uıymnyń jaǵdaıy ádben nasharlap ketken.

«Eger atalǵan qaqtyǵystar álemniń basqa túkipirinde bolyp jatsa, búkil álemde qarsylyq pen narazylyq bastalar edi. Alaıda álemdik qoǵamdastyq Izraıldiń palestınalyqtarǵa qarsy áreketine beıjaı qarap otyr»,-dedi Erdoǵan.

Prezıdenttiń aıtýynsha, BUU Izraıl bıliginiń beıbit jatqan palestınalyqtarǵa qarsy áreketterine tosqaýyl bolýy kerek. «Eger ızraıldik jaýyzdyqqa jaýap qaıtarylmasa álemde baskeserler bılegen beıbereketsiz ornaıdy»,-deıdi ol.

 Osyǵan deıin Erdoǵan AQSH-ty Izraıl saıasatyna bolysatynyn aıtyp aıyptaǵan.

Aıta keteıik, Gaz sektoryndaǵy tártipsizdikter dúısenbi kúni bastalǵan. Izraıl sarbazdary narazylyq  aksıasyna shyqqan halyqqa oq atqan. Qaqtyǵystar nátıjesinde 61 palestınalyq kóz jumyp, myńnan asa bala jaralanǵan. Osyǵan baılanysty Palestına men Túrkıa úsh kúndik aza tutý kúnin jarıalady.