«Astana» Prezıdenttik kásibı sport klýbynyń quramyna enetin «Astana arlandary» boks klýbynyń bas bapkeri Nurlan Aqúrpekov Dúnıejúzilik boks serıasy jartylaı fınalynyń jaýapty jekpe-jek keshinde sharshy alańǵa shyǵatyn boksshylarynyń tizimin tanystyryp, Atyraýda ótetin aldaǵy aıqas týraly óz pikirin bildirdi, dep jazady Qamshy.kz aqparat agenttigi.
– Nurlan Sákenuly, Sheffıldtegi jekpe-jek keshi kóńilińizden shyqty ma?
– Biz Anglıaǵa tek jeńis úshin bardyq. Ras, sharshy alań ıeleri bizden mundaı qarqyn kútken joq. Jekpe-jek óz jerinde ótken soń qalaıda jeńemiz dep oılady. Biz «Tumandy Albıonǵa» myqty boksshylarymyzdy apardyq. Bizdiń jeńisimiz zańdylyq. Áıtse de jolda «eki boksshymyz jeńip qaıtsa da, jaman emes» dep oılaǵanmyn. Men kútkennen de jaqsy nátıjege jettik.
– Atyraýdaǵy sharshy alańǵa shyǵatyn jigitterdi tańdap qoıdyńyz ba?
– Iá, biz ózara sparrıngter ótkizdik. Jattyǵýlarda baıqap júrdim. Dál qazirgi kezde aıqasqa kimder daıyn, sharshy alańǵa solar shyǵady. Onyń ústine, bizge Qazastan ulttyq quramasynyń boksshylary da qosylyp, quramdy biraz kúsheıtti. Jeńiske degen jigerimiz jaqsy. Munda bir ǵana komandanyń emes, eldiń abyroıy da turǵanyn umytpaý kerek. Biz aldaǵy jekpe-jekke daıynbyz.
– Sharshy alańǵa shyǵatyn jigitterdiń esimderin atap ótseńiz...
– 52 kelide Sáken Baıbosynov, 60 kelide Zakır Safıýllın, 69 kelide Aslanbek Shymbergenov, 81 kelide Bek Nurmaǵanbet, al alyptar aıqasynda Qamshybek Qońqabaevqa senim artyp otyrmyz.
– Qarsylastaryńyzǵa qandaı baǵa beresiz?
– «Arystan júrektiler» – osy jobanyń eń myqty komandalarynyń biri. Toptyq kezeńde birde-bir kezdesýde jeńilmeı, óz tobynda birinshi oryndy ıemdendi. Atyraýdaǵy aıqasqa brıtandyqtar qosalqy quramdaǵy jigitterin ákele jatqan sekildi, biraq bosańsýǵa áste bolmaıdy. Bálkim olardyń qosalqy quramy negizgi quramdaǵy boksshylarynan da myqty shyǵar. Qalaı desek te óz jerimizde bizge tek jeńis kerek.
– Al «Kýba batyrlary» men «Fransıa áteshteri» teketiresi jaıly ne aıtasyz? Fınalǵa shyǵyp jatsaq, qaısysy bizge qarsylas bolýy múmkin?
– Kýbalyqtar fınalǵa qınalmaı shyǵady-aý. Eger fransýzdar óz jerinde uta almaǵan bolsa,
Nurlan AQÚRPEKOV, «Astana arlandary» boks klýbynyń bas bapkeri – Komandanyń ǵana emes, búkil Qazaqstannyń abyroıy úshin aıqasamyz
«Astana» Prezıdenttik kásibı sport klýbynyń quramyna enetin «Astana arlandary» boks klýbynyń bas bapkeri Nurlan Aqúrpekov Dúnıejúzilik boks serıasy jartylaı fınalynyń jaýapty jekpe-jek keshinde sharshy alańǵa shyǵatyn boksshylarynyń tizimin tanystyryp, Atyraýda ótetin aldaǵy aıqas týraly óz pikirin bildirdi.
– Nurlan Sákenuly, Sheffıldtegi jekpe-jek keshi kóńilińizden qanshalyqty shyqty?
– Jeńilsek kóńilim tolmas edi. Biz Anglıaǵa tek jeńis úshin bardyq. Ras, sharshy alań ıeleri bizden mundaı qarqyn kútken joq. Jekpe-jek óz jerinde ótken soń qalaıda jeńemiz dep oılady. Degenmen «Tumandy Albıonǵa» myqty boksshylarymyzdy apardyq. Bizdiń jeńisimiz zańdylyq. Áıtse de jolda ketip bara jatqanda «eki boksshymyz jeńip qaıtsa da, jaman emes» dep oılaǵanmyn. Men oılaǵannan jaqsy nátıje shyqty.
– Atyraýdaǵy sharshy alańda aıqasatyn jigitterdi tańdap qoıdyńyz ba?
– Iá, biz ózara sparrıngter ótkizdik. Jattyǵýlarda baıqap júrdim. Dál qazirgi kezde aıqasqa kimder daıyn, sharshy alańǵa solar shyǵady. Onyń ústine, bizge Qazastan ulttyq quramasynyń boksshylary da qosylyp, quramdy biraz kúsheıtti. Jeńiske degen jigerimiz jaqsy. Munda bir ǵana komandanyń emes, eldiń abyroıy da turǵanyn umytpaý kerek. Jalpy, biz aldaǵy jekpe-jekke daıynbyz.
– Endeshe sharshy alańǵa shyǵatyn jigitterdiń esimderin atap ótseńiz...
– 52 kelide Sáken Baıbosynov, 60 kelide Zakır Safıýllın, 69 kelide Aslanbek Shymbergenov, 81 kelide Bek Nurmaǵanbet, al alyptar aıqasynda Qamshybek Qońqabaevqa senim artamyz.
– Al qarsylastaryńyzǵa qandaı baǵa beresiz?
– «Arystan júrektiler» – osy jobanyń eń myqty komandalarynyń biregeıi. Toptyq kezeńde birde-bir kezdesýde jeńilmeı, óz tobynda birinshi oryndy ıemdendi. Atyraýdaǵy aıqasqa brıtandyqtar qosalqy quramdaǵy jigitterin ákele jatqan sekildi. Biraq, bosańsýǵa áste bolmaıdy. Bálkim, olardyń qosalqy quramy negizgi quramdaǵy boksshylarynan da myqty shyǵar. Qalaı desek te, óz jerimizde bizge tek jeńis kerek.
– Al «Kýba batyrlary» men «Fransıa áteshteri» teketiresi jaıly ne aıtasyz? FInalǵa shyǵyp jatsaq, qaısysy bizge qarsylas bolýy múmkin?
– Bul jerde bári túsinikti ǵoı. Kýbalyqtar fınalǵa qınalmaı shyǵady-aý. Eger fransýzdar óz jerinde uta almaǵan bolsa, olarǵa qıynǵa soqpaq. Eger jeńip ketse, naǵyz sensasıa sonda bolady. Óz basym fınalda Fransıanyń komandasymen kezdesýdi qalar edim. Kýbalyqtardan qorqyp turǵanym joq, tek biz olarmen sońǵy kezderi óte jıi kezdesetin boldyq. Degenmen kýbalyqtarmen de aıqasýǵa daıynbyz. Byltyr olarmen osy jobanyń fınalynda kezdeskenbiz. Negizgi esep 5:5 nátıjesimen teń aıaqtalyp, qosymsha jekpe-jekte jeńis bizge buıyrǵan. Eger eki komanda qaıta jolyqsaq, byltyrǵy senarıdiń qaıtalanýy ǵajap emes.
Esterińizge sala keteıik, Dúnıejúzilik boks serıasynyń birinshi jartylaı fınaly aıasynda «Tumandy Albıonǵa» baryp qaıtqan «Astana arlandary» Sheffıldte jergilikti «Arystan júrektilerden» 3:2 esebimen basym túsken. Endi qarymta aıqas 26 mamyrda Atyraýda ótedi. Óz kezeginde kýbalyqtar da dál osyndaı eseppen Parıjde «Fransıa áteshterin» jeńgen bolatyn. Olar fınalǵa kim shyǵatynyn 25 mamyrda Gavanada ótetin ózara aıqasta anyqtaıdy.
Suhbattasqan "Astana" Prezıdenttik klýby baspasóz qyzmetiniń jýrnalısi Karına Jakeeva
