Ronaldý het-trık jasaǵan oıynda Portýgalıa Ispanıamen teń tústi

/uploads/thumbnail/20170825084639757_small.jpg

Fýtboldan Reseıde ótip jatqan álem chempıonatynyń "V" tobyndaǵy ekinshi oıyn aıaqtaldy. Sochıde ótken Portýgalıa men Ispanıa quramalary arasyndaǵy kezdesý 3:3 esebimen aıaqtaldy, dep habarlaıdy vesti.kz

Birinshi taımda Portýgalıa quramasy 2:1 esebimen utyp shyqty. 4 mınýtta Ronaldý penaltıdi sátti oryndasa, 24 mınýtta Dıego Kosta asqan sheberlik tanytyp, tarazy basyn teńestirdi. Úziliske shyǵar aldynda Ronaldý dúbl jasady.

Tartysty oıyn ekinshi taımda da qyza tústi. 55 mınýtta Dıego Kosta da dúbl jasap, "qyzyl fýrıa" jankúıerlerin qýantty. Araǵa 3 mınýt sala Nachonyńalys qashyqtyqtan shirene tepken doby Portýgalıa quramasy qaqpasynan tabyldy.

Oıyn aıaqtalar tusta Krıshtıaný Ronaldý aıyp soqqysyn tamasha oryndap, tarazy basyn teńestirdi. Sondaı-aq portýgaldyq oıynshy mýndıaldaǵy úzdik surmergender kóshin bastady.

Aıta keteıik, bul toptaǵy ekinshi oıynda Iran quramasy Marokkony 1:0 esebimen utty. Nátıjesinde 3 upaımen kósh basyna shyqty.

Qatysty Maqalalar