Búgin Gennadıı ǵasyr jekpe-jegi «GGG» Golovkın men Saýl «Kanelo» Alvares arasyndaǵy jekpe-jek Los-Andjelestegi talaı jekpe-jektiń kýási bolǵan 20 myń adamǵa arnalǵan T-Mobile arenasynda ótti, dep habarlaıdy Qamshy.kz aqparat agenttigi.Tek qazaqstandyqtar ǵana emes mıllıondaǵan jankúıer asyǵa kútken jekpe-jekte Kanelo jeńiske jetti.
Alǵashqy raýnd bastalysymen eki bylǵaryp sheberi de ashyq aıqasqa kiristi. "Kanelo" óziniń taktıkasyn ózgertken. Alǵashqy 2 raýndta qos boksshy da teń dárejede óner kórsetti. Keıingi raýndtarda birde Golovkın birde Alvares basym túsip otyrdy. Al 5 raýndtan keıin Alvarestiń qabaǵy jaryldy. Dese de qos boksshy da soqqylarǵa tózimdilik tanytyp, syr bildirmeýge tyrysty. 8-raýndtan keıin Golovkın aýyr soqqylar jasaı bastady. Alvares te Golovkınniń taktıkasyn túsingendeı qorǵanysty kúsheıtti. 10 raýndta Golovkın men Alvares sharshaı bastady. Jankúıerlerdiń kóbisi 10-11 raýndta nokaýtqa kýá bolamyz dep kútken, alaıda aıqas 12 raýndtqa sozyldy.
Eske salsaq, 17 qyrkúıekte Golovkın men Alvares T-Mobile arenasynda kezdesip, jekpe-jektiń qorytyndysy teń aıaqtalǵan bolatyn. Alaıda kópshiliktiń pikiri ekige jarylyp, jankúıerler revanshty asyǵa kútti.
Revansh bıylǵy jyldyń mamyr aıyna josparlanǵan bolatyn. Alaıda dopıng daýyna baılanysty eki tarap kelisimge kele almady.
Salmaq ólsheý kezinde Golovkınniń salmaǵy "Kanelodan" 91 gram aýyr bolyp shyqty. Kóz túıistirý rásiminde Alvarestiń júıkesi syr bergendeı kóringen.
Gennadıı Golovkın osyǵan deıin 39 jekpe-jek ótkizip bireýinde ǵana teń túsken bolatyn. Al Saýl Alvares bolsa 52 kezdesýiniń ekeýinde teń túsip, Flod Meıvezerge ese jibergen.
Elbasy búkil álem kútken jekpe-jekke deıin Golovkınmen kezdesip oǵan jeńis tilegen. Golovkın óz kezeginde Elbasyǵa WBC, WBA (Super), IBO jáne IBF tujyrymdary boıynsha kásipqoılar arasynda bokstan alǵan chempıondyq beldikterin syıǵa tartty.
Óz salmaǵynda eshkimge ese jibermegen Golovkın Kanelomen kezdesýin soǵysqa balaǵan edi. Qos bylǵary qolǵap sheberi de bul jekpe-jekti nokaýtpen aıaqtaýǵa ýáde bergen. Alaıda jekpe-jektiń qorytyndysyn tóreshiler málimdep, Golovkın "Kaneloǵa" ese jiberdi. Golovkın chempıondyq beldikterinen aıyrylyp qaldy. Al bul Golovkınniń sońǵy jekpe jegi bolýy múmkin degen aqpar bar. Alaıda bul týraly Golovkın 15 qyrkúıekten keıin málimdeıtinin aıtty.
