«Qara maıor» qaıtys boldy». Aty ańyzǵa aınalǵan bul adam týraly talaı ret maqala jazyldy. «Qara maıor» degen derekti fılm túsirildi.

Qazaqtyń dańqty batyry aýǵan jerinen Keńes áskerleriniń shyǵarylǵan merzimine bir-eki kún qalǵanda, 12 aqpanda ómirden ótti. Biz osyǵan oraı aýǵan dushpandaryn dirildetken Borıs Kerimbaev týraly kópten beri estelik jazyp júrgen belgili jýrnalıs Shoqan Syzdyqulyna telefon shaldyq. Kóńil aıttyq.

–Qaıtys boldy, er batyr! Keńes áskerleriniń aýǵan jerinen shyǵarylǵan kúnine jetpeı, 12 aqpanda  ómirden ótti. Biraq armany joq shyǵar. Halqy kózi tirisinde syılady. Qurmettedi. Erligi jas urpaqqa úlgi bolyp qaldy. Borıs Kerimbaev týraly úsh kitap jazdym. Birinshisi –«Batá», ol – 32 bettik túrli tústi jýrnal. Ony kózi kórdi. Ekinshisi– «Jankeshti jasaq» dep atalady. Ol da daıyn. Qazir baspada tur. «Qara maıordyń» aldyna barǵanda, «Men týraly emes, aldymen jaýyngerlerim jaıly jaz! Erlik – solardiki. Men qolbasshymyn» dep edi. Aýǵan jerinde janqıarlyq erlik kórsetken óziniń jaýyngerleri týraly «Jankeshti jasaq» osylaı dúnıege keldi. Úshinshi kitaptyń aty– «Qara maıor». Ózi týraly. Ol da baspaǵa daıyn tur. Jaryqqa shyǵýǵa jaqyn. Úsh kitabymdy da kórdi. Oqydy. Batasyn berdi.  

«İske aspaǵan bilim – tul, bilimsiz adam–tul, qolbasshysyz ásker–tul, baısyz qatyn–tul. Men – GRÝ-shnıkpin. Áskerı bilimim bar. Aıbatty, qaıratty jaýyngerlerimniń arqasynda durys qolbasshy boldym. Áıelim bar, ol – tul emes, bala-shaǵamyz, nemerelerimiz bar. Borıs degen atym... «Qara maıor» degen zatym bar. Osy aıtqandarymdy ana jazǵan kitabyńnyń bir jerine qystyra sal»-dep edi qapsyra qushaǵyna alyp... Endi mine ózi de  ómirden ótti,–dedi bizge belgili jýrnalıs Shoqan Syzdyquly.