Alla elshisi (s.ǵ.s) sporttyń birqatar túrimen ózi de shuǵyldanyp, ózgelerdi de soǵan baýlyǵan dep jazady Qamshy.kz aqparat agenttigi muslimwoman.kz saıtyna silteme qaldyra otyryp.

Júgirý jarysy. Hadısterde paıǵambarymyz osy sport túrine sahabalar yntalandyrǵany aıtylady. Osyǵan oraı sahabalar da júgirip jarysqan. Sondaı-aq, paıǵambar da birde hazireti Aıshamen júgirip jarysady. Endeshe, bul sport túrin súnnet dep, osy turǵyda halyqty, jastarda júgirý jarysyna baýlýǵa bolady(Ábý Dáýit, Jıhat, 68).

Kúres. Haziretti Paıǵambar (s.ǵ.s)  balýandyǵymen tanylǵan Rýqaná degen bir adammen kúresip, ony jeńgendigi keıbir derekterde jetkizilgen(Ibn Hısham, Sıar, 1/390-391). Taǵy bir hadıste "myqty musylman álsiz musylmannan qaıyrly" degen bar. Sondyqtan Alla elshisi kúresti unatty deýge bolady.

Sadaq atý. Sadaq atý, myltyq atý jarysyna keler bolsaq, Alla elshisi: "Olarǵa qarsy qoldaryńnan kelgenshe kúsh ázirleńder" ("Ánfál" súresi, 8/60) degen aıatty - oq atý dep túsindirgen. Sonymen qatar, Alla elshisiniń (s.ǵ.s) sadaq atýǵa yntalandyrǵan kóptegen hadısteri bar (Buharı, Jıhad, 78; Múslim). Alaıda Paıǵambarymyz (s.ǵ.s) oq atý jarysynda tiri janýardy kózdeýge tyıym salǵan (Buharı, Zábáıh, 25).

At jarys. Ol - Paıǵambarymyzdyń (s.ǵ.s) árqashan yntalandyryp, jarystan jeńgenderge syı-syıapat berip, kóbinese ózi de qatysqan sport túriniń biri (Násáı, Haıl, 16; Tırmızı, Jıhad, 22). Sondaı-aq, júzý túrine de qyzyqqan.

Paıǵambarymyz (s.ǵ.s) osy sport túrlerinde adamǵa da, janýarǵa da qıynshylyq kórsetýge tyıym salǵan.

Usynǵan: Aqerke Dúısenbaı