Baýman atyndaǵy Máskeý memlekettik tehnıkalyq ýnıversıtetiniń muǵalimin pyshaqtap tastaýǵa nıettengen qazaqstandyq stýdentke qatysty úkim shyqty dep habarlaıdy KTK telearnasy. Jaslan Qudaıbergenov tórt jyl bas bostandyǵynan aıyrylǵan. Ol kesilgen merzimdi jalpy rejımdegi kolonıada óteıdi.

Qudaıbergenovti sotta máskeýlik advokat qorǵady. Ony aıyptalýshynyń ata-anasy jaldaǵan. İstiń mán-jaıyn tekserý toǵyz aıǵa sozyldy. Osy ýaqyt aralyǵynda jas jigit ózin ustap otyrǵan qyzmetkerler ústinen shaǵym aıtqan joq jáne qazaqstandyq dıplomattarmen jolyǵýdan bas tarty.

27 jastaǵy Jaslan Qudaıbergenov Orynbor oblysynyń Keńsaı aýylynda dúnıege kelgen. Baıqońyr qalasynda tirkelgen Qazaqstan azamaty bolyp esepteledi. Máskeýde 2011 jyldan beri turyp jatyr eken.

Oqıǵa 2018 jyldyń 29-maýsymynda oryn alǵan. Aspırant ýnıversıtettiń ájethanasynda 28 jastaǵy muǵalim Aleksandr Dmıtrıevke pyshaqpen umtylǵan. Oqıǵa orynyna kelip jetken polısıa qyzmetkerleri jaraly muǵalimdi taýyp, ony aýrýhanaǵa jetkizdi. Óz kezeginde muǵalim polısıa qyzmetkerlerine belgisiz adam jaraqattap ketkenin aıtqan.

Shabýyl jasap, jaraqat salǵan Jaslan oqıǵa orynynan iz sýytqan. Kelesi kúni qalanyń İİD onyń qolǵa túskeni týraly aqparat jarıalady. Qazaqstandyq azamatty eki aıǵa ýaqytsha tergeý ızolátoryna qamap, onyń ústinen "Densaýlyqqa sanaly túrde jaraqat salý" baby boıynsha is qozǵaldy.

Al kúdikti óz kezeginde shabýylyn ekeýara túsinispeýshilik pen muǵalimdi jaqtyrmaýynan týǵan qadam ekenin aıtqan.

Usynǵan: Ádilet Mádenıet