"Marwin balalar taýarlary dúkender jelisi men "Mıras" halyqaralyq mektebi, "N.Nazarbaevtyń Bilim qory" QQ, "Salaýatty Azıa" QQ birigip, 26-sáýir kúni "Jomarttyq qoraby" atty qaıyrymdylyq sharasyn ótkizbek.

Atalmysh shara Rozybakıev kóshesiniń boıynda ornalasqan "Mega Alma-Ata" oıyn-saýyq, saýda ortalyǵyndaǵy Marwin balalar dúkeninde ótedi.

Aksıanyń maqsaty – em alý bólmesine nemese ota ústeline ketip bara jatqan balalardyń kóńilin aýlaý, psıhologıasynyń buzylýyna jol bermeý.

Qaterli isik dıagnozy qoıylǵan balalar kún saıyn qorqynysh pen úreı, senimsizdik pen aýyrsynýdy sezinedi. Olardyń aıtýynsha, eń qorqynyshty dúnıelerdiń bári em alý kabınetinde oryn alady: jarany tańýlar, ekpeler, túrli preparattardy ornatý degendeı.

Em sharalaryn alýdan aldyn balalarǵa "Jomarttyq qorabynan" kóńili shapqan kez-kelgen oıynshyqty alýǵa ruqsat beriledi. Osy arqyly olardyń egý bólmeleri men ota ústeline kirerdegi úreıin, qorqynyshyn sál bolsa da báseńdetý kózdeledi.

Stýdentter men ata-analar, "Mıras" halyqaralyq mektebiniń qyzmetkerleri atalmysh aksıany belsendi túrde qoldap, naýqas balalarǵa oıynshyqtar jınaýǵa atsalyspaq.

Sharany "Meloman"  JSHS qoldaýymen uıymdastyrǵan – "Mıras" halyqaralyq mektebi.

Usynǵan: Ádilet Mádenıet