Reseılik "Pervyı kanal" telearnasyndaǵy "Golos. Detı" shoýynyń fınalynda daýys berý barysynda bir úmitkerdiń múddesin qorǵaý faktisi baıqaldy dep habarlaıdy Qamshy.kz aqparat agenttigi RBK saıtyna silteme jasap.
Daýys berý arqyly sońǵy kezeńge "Kak molody my bylı" ánimen Kýzakov, Adagio ánimen Erjan Maksım jáne "Ty zdes" týyndysymen Abramova ótti. 56,5 paıyz kórermen daýysymen jobanyń jeńimpazy Abramova atansa, 27,9 paıyz daýys Erjannyń enshisine tıip, qalǵan 15,6 paıyz daýys úlesi Kýzakovqa buıyrdy.
"Pervyı kanal" aldaǵy ýaqytta qorytyndy jasaý barysyndaǵy jumys prosesin qaıta teksermekshi.
"Qoldan jasalǵan daýys berýdiń belgileri bar. Belgili bir qatysýshynyń yńǵaıyna qaraı beıimdelýdiń bar-joqtyǵyn tekserý úshin arnaıy teskeris bastaldy", - dedi kontent jasaýshy kompanıanyń arnaıy ókili.
Birer kún buryn ǵana aıaqtalǵan shýly maýsymnyń qatysýshylarynyń biri bolǵan Valerıı Meladzeniń baspasóz hatshysy Tatána Nıkolashına atalmysh jaıtqa qatysty pikir bildirýden bas tartty.
"Biz bul týraly pikir bildirmeımiz", - dedi ol.
Qyzy "Golos" baıqaýynyń jeńimpazy atanǵan ánshi Alsýdyń dırektory Sergeı Fadeev te ázir eshqandaı pikir bildirmeıtinin jetkizgen.
Shoýdyń fınaldyq kezeńi 26-sáýirde ótip, oǵan toǵyz úmitker qatysty:
Svetlana Lobodanyń komandasynan: Mıkella, Nıno Chesner, Robert Bagratán;
Valerıı Meladzeniń komandasynan: Anastasıa Sısaýrı, Mıhaıl Grıgorán, Maksım Erjan;
Pelageıanyń komandasynan: Marıam Abdelkader, Valerıı Kýzakov, Renat Taırov.
Abromova – ánshi Alsý men bank qyzmetshisi Ian Abramovtyń qyzy, LÝKOIL-dyń burynǵy top-menedjeri Ralıf Safınniń nemeresi.
«Golos. Detı» - vokaldyq televızıalyq shoý. Dál qazirgi ýaqytta atalmysh jobanyń altynshy maýsymy aıaqtaldy.
Usynǵan: Ádilet Mádenıet
