Belgili reseılik ánshi Alsýdyń qyzy Mıkella Abramovanyń "Golos. Detı" shoýynda jeńiske jetýi estrada juldyzdarynyń kómeginen bolýy múmkin. Bul týraly Qamshy.kz aqparat agenttigi "Govorıt Moskva" saıtyna silteme jasap habarlaıdy.
Atalmysh derekkózdiń málimetinshe, reseılik juldyzdar óz jankúıerlerinen Alsýdyń qyzyna daýys berýin suraǵan.
Bul qatarda Fılıpp Kırkorovtyń, Nıkolaı Baskovtyń jáne Svetlana Lobodanyń fan-toptary aldymen aýyzǵa ilinip otyr. Atalǵan juldyzdar áleýmettik jeli arqyly mıllıondaǵan daýystar jınap berýge qaýqarly.
Atalǵan nusqany "Pervyı kanal" tizimge qosty. Aldaǵy ýaqytta máseleniń mán-jaıy tolyqqandy anyqtalmaq.
Eske sala keteıik, 26-sáýir kúni ótken "Golos. Detı" teleshoýynyń fınalynda Alsýdyń qyzy jeńimpaz atanǵan. Biraq bul qorytyndyǵa kórermender razy emes. Áleýmettik jelide bul oqıǵa úlken daýǵa aınaldy.
Usynǵan: Ádilet Mádenıet
