Elbasy Nursultan Nazarbaev belgili akter Djekı Chanmen kezdesti dep habarlaıdy Qamshy.kz aqparat agenttigi Aqorda baspasóz qyzmetine silteme jasap.
Kezdesýge, sondaı-aq, áıgili Qytaı akteriniń áriptesteri men shyǵarmashylyq ujymynyń músheleri qatysty.
Áńgimelesý barysynda Nursultan Nazarbaev Djekı Channyń álemdik kınematografıadaǵy mańyzdy rólin atap ótti.
– Ózińizdeı tanymal tulǵamen júzdeskenime qýanyshtymyn. Sizdi búkil álem biledi, – dedi Elbasy.
Qytaı akteri aldaǵy shyǵarmashylyq jospary jáne kınoındýstrıa salasyndaǵy birlesken jobalardy júzege asyrý joldary týraly oı bólisti.
Eske sala ketsek, Elbasy Beıjińde 26-27 sáýirde ótken "Bir beldeý, bir jol" forýmyna qatysty. Forýmnyń resmı ashylýy aıasynda Nazarbaev úshinshi bolyp, QHR tóraǵasy Sı Szınpın men Reseı prezıdenti Vladımır Pýtınnen keıin sóıledi. Forýmǵa barlyǵy 37 eldiń basshysy qatysty.
Oqı otyryńyz, ♦Elbasy Qytaı eliniń "Dostyq" medalimen marapattaldy (foto)
Usynǵan: Maqpal Sembaı
