Koronavırýs epıdemıasynan qaıtys bolǵandar 259 adamǵa jetti. AQSH Qytaıdan kelgen azamatttar úshin jańa kedendik shekteýler engizdi, dep jazady reuters.com.
Epıdemıa oshaǵy Hýbeı provınsıasy áli de karantın jaǵdaıynda. Joldar jabylyp, qoǵamdyq kólik toqtaǵan.
Vırýstyń shetelge taralýynan qaýiptengen AQSH qosymsha sharalar qabyldap jatyr. Jumada amerıkalyq úsh iri avıakompanıa Qytaıǵa reısterin keıinge qaldyrdy.
Dese de Dúnıejúzi densaýlyq saqtaý uıymynyń Qytaıdaǵy ókili Gaýden Galea Qytaımen saýda jasaýdy, ol jaqqa barýdy shekteýdiń qajeti joq dep otyr.
Búginde dertke shaldyqqandardyń qatary 12 myńǵa jýyqtady. 18 myńdaı turǵyn vırýsty juqtyrǵan degen kúdikpen tirkeýge alynyp, aýrýǵa shaldyqqandarmen tyǵyz baılanysta bolǵan 118 myń adamǵa baqylaý qoıyldy. Chje-szán, Gýandýn jáne Henan provınsıalarynda indetke shaldyqqandardyń sany artyp, jaǵdaı kúrdelene tústi.
Pikir qaldyrý