- Aýa arqyly ınfeksıany juqtyrmas úshin profılaktıkalyq shara retinde betperde kıý qajet. Búgin bizde ondaı qaýip joq, biraq ókinishke qaraı, el jappaı betperde satyp alýǵa júgirip, saldarynan tapshylyq týyndaýda, - dedi Birtanov.

Onyń aıtýynsha, betperdeni otandyq óndirýshiler óndiredi, sondyqtan Qazaqstanda ony shyǵarýǵa barlyq múmkindik bar.

- Biraq qazir olar úlgere almaı jatyr, óıtkeni bir mezette bir jyldyq kólemdegi betperde satylyp ketken. Sondyqtan basqa elderden de ony satyp alý boıynsha qazir kelissózder júrgizilip jatyr, suranystaǵy mólsher tolyqtaı qamtamasyz etiledi. Eger 6 qańtardan bastap búginge deıin biz Qytaıdan kelgenderge ǵana sanıtarlyq baqylaýdy kúsheıtken bolsaq, onda biz búginnen bastap shekaranyń ózinde kúsheıtilgen baqylaý engizip, barlyq halyqaralyq baǵyttaǵy ótkizý pýnktterindegi jolaýshylardy ystyǵy bar-joǵyn tekseretin bolamyz, - dep túsindirdi mınıstr.

Sondaı-aq, mınıstr óz azamattaryn májbúrli túrde áketsin degen usynystardyń bolmaǵanyn da jetkizdi. Sondyqtan koronavırýs ınfeksıasy tirkelgen elderde júrgen azamattarymyzdan saqtyq sharalaryn qoldaný suralady.