Mınıstr Birjan Nurymbetovtiń aıtýynsha, búginde úkimet eń tómengi jalaqyny kóterý boıynsha jumystar júrgizýde.

– Eń tómengi jalaqyny kóterý azamattardyń ekonomıkaǵa qatysyna baılanysty. Eger ortasha jalaqy shamamen 224 myń teńge bolsa, eń tómengi jalaqy 72 myń teńgeden aspaýy tıis. Iaǵnı tómengi jalaqy ortasha jalaqynyń shamamen 30 paıyzyn quraıdy. Qazirgi ýaqytta respýblıkadaǵy eń tómengi jalaqy 42,5 myń teńgeni nemese ortasha jalaqynyń (181 myń teńge) 23,5 paıyzyn quraıdy. Biz búgin eń tómengi jalaqyny kezeń-kezeńmen arttyrýdyń túrli nusqalaryn eseptep jatyrmyz. Nege esepteımiz? Óıtkeni búdjet shyǵyndary osyǵan baılanysty. Óıtkeni, biz eń tómengi jalaqyny kótergende, onda barlyq búdjettik qyzmetkerlerdiń jalaqysy da kóteriledi, – dedi ol.