Almatyda koronavırýstyń taralýyna baılanysty epıdemıologıalyq jaǵdaı nasharlap, qala "sary" aımaqqa ótti. Bul týraly Sanıtarlyq-epıdemıologıalyq baqylaý komıtetiniń resmı ókili Erjan Baıtanaev málimdedi.

Buǵan deıin 3 shildede Densaýlyq saqtaý mınıstrligi Almatyda 88 adamnan koronavırýs anyqtalǵanyn habarlaǵan. Respýblıka boıynsha juqtyrý faktileriniń jalpy sany 158 bolǵan. Zertteýler boıynsha búginde COVID-19 juqtyrǵandar sanynyń artýyna stels-omıkron áser etken.

Qaladaǵy epıdahýalǵa baılanysty Almatynyń bas memlekettik sanıtarıa dárigeri Qasymhan Alpysbaıuly jańa qaýlyǵa qol qoıdy.

Oǵan sáıkes, jabyq mekemelerde maska taǵý rejımin engizý usynylady. Sondaı-aq, qaýlyda baılanysta bolǵan adamdardy, júkti áıelderdi jáne ekpe alýǵa qarsy kórsetilimi bar adamdardy qashyqtan jumys isteý rejımine aýystyrý kerektigi jazylǵan.

Budan bólek, vırýs anyqtalǵan adammen baılanysta bolǵan jaqyn adamdardy qashyqtan jumys formasyna kóshirý, aýrýdyń aýyrlyǵy jeńil jáne sımptomy joq naýqastar 7 kún boıy ambýlatorlyq baqylaýǵa alý talaptany engizildi.