2023 jyldyń 1 qańtarynan bastap Qazaqstanda eń tómengi jalaqy 60 myń teńgeden 70 myń teńgege ósedi. Bul týraly Ulttyq ekonomıka birinshi vıse-mınıstri Tımýr Jaqsylyqov aıtty. 

Resmı derek boıynsha, elimizde 1,8 mıllıonǵa jýyq adam eń tómengi jalaqyǵa kún kórip otyr. Qazir eń tómengi jalaqy – 60 myń. 

"Bıyl ınflásıanyń joǵary deńgeıi halyqtyń tabysyna teris áserin tıgizip otyr. Buǵan qosa, 2023 jylǵy 1 qańtardan bastap eń tómengi jalaqy mólsheri 70 myń teńgege deıin ósiriletin bolady", – dedi vıse-mınıstr.

Buǵan deıin eki jyl boıy eldegi eń tómengi jalaqy mólsheri 42 500 teńge bolǵan.

Qarjyger Jalǵasbek Aqbolat eń tómengi jalaqy mólsheriniń ósýi el ekonomıkasyna, halyqtyń ál-áýqatyna aıtarlyqtaı áser etpeıtinin aıtady. Tek ǵylym salasynda, kandıdat naýktardyń tabysyna bir tómengi aılyq esebinde, al profesorlarǵa eki tómengi aılyq esebinde aqsha qosylady. Budan bólek salyqtan jaltaryp jalaqynyń bir bóligin resmı túrde tómengi jalaqy mólsherinde, bir bóligin qolma-qol beretin kásiporyndar esebinen aqsha aınalymy sál artatynyn oń áserge jatqyzady sarapshy.