Statısıka búrosynyń málimetinshe, 2022 jylǵy III toqsanda eldegi kedeılik deńgeıi 5,3 paıyzdy quraǵan.
Al 5 jáne odan da kóp adamnan turatyn januıalar arasyndaǵy kedeılik 9,3%-ǵa jetken. Bul – jalpy kedeılik deńgeıinen 2 esege jýyq artyq.
Kedeı otbasylar kóbine Túrkistan (9,1%), Mańǵystaý (8,8%) oblystarynda jáne Shymkent (7,2%) qalasynda turady.
Kedeılik shegine ilikken otbasydaǵy ár adam aıyna 46 671 teńgeden (eń tómengi kúnkóris deńgeıi) tómen aqshaǵa kún kóredi degen sóz.
Qarjyger Jasulan Kýshebaevtyń aıtýynsha, kedeılikti anyqtaýdaǵy Qazaqstan qoldanatyn tásil kedeılik shegin tómendetip kórsetedi, halyqaralyq standartqa kelmeıdi.
– Álemdik bank standarty boıynsha azamat kúnine 5,5 dollardan az aqsha jaratatyn bolsa, onda kedeı bolyp sanalady. Teńgemen bul kúnine 2300 teńge, aıyna 70 myń teńge. Bul esepke saı, jalaqysy 70 myń teńgeden az qazaqstandyqtar kedeıshilikte ómir súrip jatqan bolyp sanalady. Iaǵnı, elde 2 mıllıonnan astam adam kedeı degen sóz. Al bizde kúnine 1,9 dollardan az jumsaıtyndar ǵana kedekshilik shegine jatqyzylady. Mundaı metodıkamen árıne Qazaqstanda kedeıler sany az bolyp shyǵady. Biz ózimiz maqsat etip otyrǵan ozyq otyzdyqqa kirgimiz kelse, bul metodıkany ózgerýimiz kerek, – deıdi sarapshy.
Pikir qaldyrý