Жер жалға берілмек. Ел көңілі алаң. Ертең өз елімізде жүріп өз жерімізді сағынатын күнге түсеміз бе, кім білсін?! Жаннат жерді жат қолына тарсырсақ, адам түгілі аң-құсыңның жағдайы не болары белгісіз. Мынау Қытайдағы əнші, композитор Манапқазы Мұсаханұлы ағамыздың "Көрікті қайран далам-ай" əні. Сөзін Қасына Əбдіқасұлы жазған.
1. Көрікті қайран далам-ай!
Көктемің күлген баладай.
Аң-құсың сиреп, арманың күйреп қала ма-ай,
Жеті ұлы өліп, жесір қалған анадай.
2. Гуілдеп жылап қарағай,
Түбінен ара тарады-ай.
Жерімді жыртып, елігің үркіп
далаға-ай,
Шырылдап шылдар, кете ме артқа қарамай.
3. Қарасу қайда кешегі-ай?!
Ақ үйлер бұлттай көшеді-ай.
Азбаса екен бабамның мынау
мекені-ай,
Сарғайып жүріп, сағынып өтер ме екем-ай!
