Францияның тұрғын үй шаруашылығы министрі Эмманюэль Косс қайырымдылық ұйымдарының сотқа шағымданғанына қарамастан Каледегі лагерлер жабылатынын айтты. Бұл туралы "Сегодня. ua" хабарлайды.
Қазіргі таңда Каледегі босқындар лагерінде 9 мыңнан астам заңсыз мигрант тұрып жатыр. Косс "Бұл кісілерге (мигранттарға) бұдан әрі де лас және ретсіз жағдайда тұра беруге болмайды" деді. Ал Франс Пресс агенттігі Каледегі босқындардың елдің әр аймағына орналастырылатынын хабарлады.
Каледе тұрып жатқан босқындар Ла-Манш арқылы Ұлыбританияға өтуді көздейді. Олардың басым бөлігі Францияға Судан, Самоли, Сирия және Ауғанстан сияқты елдерден ауып барған.
Пікір қалдыру