Канаданың полицейі Калгари қаласының әуежайынан ұшуға бірер минут қалған кезде ұшқыш кабинасында есінен танып қалған мас ұшқышты тұтқынға алды.

Sunwing авиакомпаниясының экипаж мүшелері 37 жастағы ұшқыштың біртүрлі әрекетін байқап қалып, құқық қорғау органдарына жеткізген.

Полиция ұшқыш қанындағы алкоголь құрамы нормадан үш есеге асып кеткен деп хабарлап отыр.

Ұшақ аздаған кідірістен кейін мексикалық Канкун қаласына басқа ұшқышпен ұшуға тура келген. Лайнер бортында 99 жолаушы пен экипаж мүшелері болған.

Авиакомпания өкілдері ұшақ экипажына ыңғайсыздық туғызған жәйтте дұрыс жасағанына алғыс білдірді және ұшқыштың әрекеті үшін кешірім сұрады.

Сот процесі басталмайынша ұшқыштың есімі аталмайды.