Думай әмірі мен премьер-министрі  Шейх Мохаммед 100 жылдан кейін Марс планетасында қала тұрғызылатынын айтты. 2017 жылы Дубайда ұшатын таксилер пайда болатынын ескерсек, бұл жоспардың да шындыққа айналуы әбден мүмкін деп хабарлайды  «Қамшы» порталы bbc.com-ға сілтеме жасай отыра.

Осы жылдың жаз айларында Дубайда адамдарды ауада тасымалдайтын көліктер пайда болмақ. Жол және көлік министрлігі әлемдегі алғашқы ұшатын ұшқышсыз такси сынақтан өткізілгендігін хабарлады.

Инженерлердің идеясы бойынша, жолаушы өзіне қажетті пунктті таңдап алып 900 метр биіктікте 100-160 км/сағ жыламдықпен керек жеріне жетеді. Бұл көлік жүйесі жерүстіндегі 4G қызметі арқылы бақыланады.

Алайда, бұл ұшатын көлік аппаратының бір кемшілігі – жауын-шашын ауа-райына қолайсыз.