АҚШ президенті Дональд Трамп ел президенттігіндегі  бес жарым ай ішінде Америка тарихындағы кез келген басқа көшбасшыларға қарағанда, әлдеқайда көп жұмыс атқарғанын мәлім етті, деп хабарлайды Qamshy.kz ақпарат агенттігі шетелдік БАҚ-қа сілтеме жасап. Ол бұл пікірін Reuters-ке берген сұхбатында айтқан.

«Бес айда АҚШ тарихындағы кез келген президентке қарағанда, көп нәрсеге қол жеткіздім», - деді ол.

«Ирак пен Сирияға қарайтын болсаңыздар, «Ислам мемлекетімен» күресте қол жеткізілген ілгерілеуді көре аласыздар, бұны толық жетістік деуге болады», - деді Трамп. Өзінің еңбегінің жемісіне  сондай-ақ,  америкалық қор биржасы көрсеткіштерінің өсуін, соңғы 16 жылда АҚШ-та жұмыспен қамту мәліметтерінің жақсаруын қосып отыр.  

Еске салсақ, Дональд Трамп АҚШ президенті сайлауында жеңіске жеткеннен кейін, 20 қаңтарда мемлекет басшысы лауазымына кіріскен болатын.