Астана қаласының әкіміне «ТМД-ға 25 жыл» атты арнайы медаль табысталды, деп жазады Qamshy.kz ақпарат агенттігі. ТМД астаналары мен ірі қалаларының халықаралық ассамблеясының XXV сессиясында Астана әкіміне медаль табыстаған «ТМД экономикалық дамуы іскерлік кеңесі» директоры Владимир Савченко болды.

«ТМД іскерлік орталығы мен басшылығының атынан Астана қаласының әкімі Әсет Исекешев пен халықаралық қалалар ассамблеясының президенті Ирек Ялаловқа «ТМД-ға 25 жыл» атты медальді табыстауға рұқсат етіңіздер. Жаңа технологияны нығайтуда белсенді түрде еңбектеніп жатқандарыңызға алғысымды білдіремін», - деді Савченко.

ТМД-ның экономикалық даму Іскерлік орталығының бас директоры Қазақстан астанасының жас қала екенін айта кетіп, 25 жыл бұрын Алматыда Достық туралы келісімге қол қойылғанын еске түсірді.

«Дәл осы мемлекетте 25 жыл бұрын Алматы қаласында Тәуелсіз мемлекеттердің Достығы жөнінде келісімге қол қойылған еді. Ал бүгін небәрі 19 жастағы жаңа астанада бас қостық», - деді Роман Савченко.

Сессия жұмысына ТМД атқарушы комитеті Халықаралық қалалар ассоциациясына мүше  28 қаланың жүзге жуық өкілдері, 5 халықаралық бірлестік, 7 ғылыми және сараптау ұйымының өкілдері қатысуда.

Шолушы: Гүлім Жақан

Фото: kazpravda.kz