Алматыдағы «Адем» сауда орталығында өрт шықты, деп хабарлайды Qamshy.kz ақпарат агенттігі қалалық ТЖД баспасөз қызметіне сілтеме жасай отырып.
Алматы қаласы бойынша Төтенше жағдайлар департаментінің 101 пультіне «Адем» сауда орталығында өрт шыққаны туралы хабар сағат 10.11-де түскен.
ТЖД баспасөз қызметінің хабарламасында, өрт сөндірушілердің алғашқы легі жеті минуттан кейін сағат 10.18-де барғаны көрсетілген.
«Өрт «Адем»сауда орталығының шатырындағы лакталып, боялған бұйымдардан шыққаны анықталды. 10.27-де өрт ауыздықталып, 10.29-да толығымен сөндірілді. Жалын шарпыған аумақ - 5 шаршы метр», - делінген хабарламада. Өрттен жапа шеккендер жоқ.
Пікір қалдыру