Қоғамда дау тудырған Пермь тұрғыны Алексей Бессоновтың желіге тараған видеосын ҚР ұлттық қауіпсіздік қызметі тексеріске алды,-деп Qamshy.kz ақпарат агенттігі Tengrinews.kz-ке сілтеме бере отырып жазады. Бессонов шу тудырған бейне жазбасында «Қазақстанға ресейлік әскерді кіргізу керек» деп мәлімдеген болатын.
«Алексей Бессоновтың видео жолдамасы ҰҚК тіркеуіне алынып, қазіргі уақытта тексеріс амалдары жүргізіліп жатыр»,-деді мекеме қызметкерлері.
Еске сала кетейік, Бессоновтың видеосы қазақстандықтардың жүйкесіне тиіп, қоғамда үлкен дау тудырған еді. Сондықтан, Қазақстан азаматтары жағымсыз нәрселер айтқан орыс блогерін заң алдында жауапқа тартуды сұраған.
Пікір қалдыру