Мадридтік "Реал" мен Португалия құрамасының ойыншысы Криштиану Роналду тележүргізуші Лусия Вилалонмен кездесіп жүрген көрінеді. Бұл туралы испандық "La Nueva" басылымына сілтеме жасап Baq.kz хабарлайды.

Өткен аптада Ирина Шейк "Алтын доптың" иегерімен ара қатынасын үзгенін мәлімдеген еді. Бес жыл қыз бен жігіт болып жүрген Ирина мен Роналду ажырасқаны дүниежүзіне тарап кетті.

Баспасөзде ресейлік модельдің Криштианудың анасының туған күніне бармағаны үшін ажырасты деп түсіндірілуде.

"La Nueva" басылымының мәліметінше, Роналду жалғыз жүре беруді қаламай, "Реал" клубы жеке арнасының жүргізушісі Лусия Вилалонмен көңіл жарастырыпты.

Футболист Лусия екеуінің бірге фотоларын инстаграмм әлеуметтік желісінде жариялаған. Лусия Виллалонның екі жоғары білімі бар. Журналистика және заңгерлік бойынша білім алған. Жасы 26-да.