АҚШ президенті Дональд Трамптың ерекше шаш үлгісі – шаш ауыстыру процедурасының нәтижесі. Бұл туралы журналист Майкл Вулф Трамптың қызы Иванканың кітабына сілтеме жасап хабарлады, деп жазады Qamshy.kz ақпарат агенттігі.
«Ол достарына мұның шет жағасын айтып отыратын. Шашын ауыстырғаннан кейін таз бастың айналасы бұйраланған шаштармен қоршалды. Шетінен ортасына дейін қоршалып келіп шашқа арналған гельмен артқа қарай сәндеп қойған», - деп жазды Вулф.
«Иванка Трамп әкесінің шашының түсіне қатысты да қызықты оқиғаларды жазған. Оның сыры Jusy For Men құралында. Оны шашта қаншалықты ұзақ ұстаса, шаш түсі соншалықты қоюланады. Алайда Трамптың шыдамсыздығының кесірінен шашы қызғылт-сары түске боялған», - деп келтірді журналист.
