Ақорданың қақпасын қирата жаздаған полицей жұмыстан қуылды

/uploads/thumbnail/20180117193838587_small.jpg

Ақорданың қақпасын көлікпен соғып қирата жаздаған полицейлер жұмыстан қуылды деп жазады Qamshy.kz ақпарат агенттігі Tengrinews.kz сайтына сілтеме жасай отырып. Бұл жайтқа байланысты Астана қалалық ІІД-нің баспасөз қызметі мәлімдеме жасады.

«Қаңтардың 16-нан 17-не қараған түні болған жол көлік оқиғасына қатысты қызметтік тексеру жүргізіліп, келесі жағдай анықталды: Астана қалалық ІІД ӘПБ жеке мамандандырылған батальонының инспекторы, аға лейтенант Е.Иманбеков Достық көшесімен автокөлікпен келе жатып, тізгінге ие бола алмай қалған және қақпаға болмашы ғана соққы жасап, оны зақымдаған. Жарақат алғандар жоқ», - деді ІІД өкілдері.

Департамент мамандарының айтуынша, осы оқиғадан кейін аға лейтенант Иманбеков пен онымен бірге болған взвод командирі, полиция капитаны Жұмахметов ҚР ішкі істер органдарынан жұмыстан қуылған. Сонымен қатар, қоластындағы қызметкерлеріне тәрбие жұмыстарын дұрыс жүргізе алмаған басшылар да қатаң тәртіптік жауапкершілікке тартылыпты.

Пікір қалдыру

Қатысты Мақалалар