Бүгін еліміздің басым бөлігінде жел күшейіп, тұман болады, деп жазады Qamshy.kz ақпарат агенттігі Қазгидромет мәліметіне сүйеніп. 

Астанада  аз бұлтты, жауын-шашынсыз ауа райы күтіледі. 5-10 м/с жылдамдықпен шығыс желі соғады. Түнде ауа температурасы -15-17°C көрсетсе, күндіз -7-9°C болады.

Алматыда ауа райы   көшпелі бұлтты, жауын-шашынсыз. Жел 0-5 м/с. Түнде ауа температурасы  -9-11°С көрсетсе, күндіз -1-3°С.

Жамбыл облысының кей жерінде тұман, түнде және таңертең  желдің жылдамдығы 15-20, екпіні 23 м/с-ға дейін күшеюі күтіледі.

Ақмола, Ақтөбе, Шығыс Қазақстан, Қостанай облыстарының кей жерлерінде тұман болып, желдің күшеюі 15-20 м/с-ға жетеді,  Қостанай облысында бұрқасын күтіледі.

Оңтүстік Қазақстан, Маңғыстау, Батыс Қазақстан, Атырау облыстарының кей жерлерінде желдің жылдамдығы 15-20 м/с-ға дейін күшейеді.

Қызылорда, Солтүстік  Қазақстан, Павлодар, Қарағанды облыстарының кей жерлерінде тұман түседі.